بظاہر سانحہ ماڈل ٹاؤن متاثرین نال کھلواڑ وچ سرکار وی شامل اے: لہور ہائیکورٹ
لہور: ہائی کورٹ دے فاضل جج جسٹس قاسم خان نے کیس دی سنوائی دے دوران ریمارکس دتے نیں سانحہ ماڈل ٹاؤن دے مجرماں دا فیصلہ تے بعد وچ ہووے گا پر محسوس انج ہوندا اے کہ سانحہ ماڈل ٹاؤن دے متاثرین نال کھلواڑ کیتا جا رہیا اے۔
لہور ہائی کورٹ وچ سانحہ ماڈل ٹاؤن دی نویں جے آئی ٹی دے خلاف درخواستاں دی سماعت ہوئی۔ ایڈیشنل ایڈووکیٹ جنرل پنجاب ولوں پیش کیتی جے آئی ٹی رپورٹ تے جسٹس قاسم خان نے ریمارکس دتے تہاڈی پیش کیتی گئی رپورٹ مصدقہ نہیں اے۔
دوران سماعت جسٹس قاسم خان نے ریمارکس دتے سانحہ ماڈل ٹاؤن دے مجرماں دا فیصلہ تے بعد وچ ہووے گا پر محسوس انج ہوندا اے سانحہ ماڈل ٹاؤن دے متاثرین نال کھلواڑ کیتاجا رہیا اے تے ایہدے وچ سرکار وی شامل اے۔ عدالت نے کیس دی سماعت 10فروری تک ملتوی کردیاں اگلی سماعت تے پراسیکیوٹر جنرل پنجاب تے چیف سیکرٹری پنجاب نوں سارے متعلقہ افسراں سنے طلب کر لیا۔ عدالت نے اگلی سماعت تے ساری جے آئی ٹی رپورٹاں تے متعلقہ دستاویزات وی طلب کر لئیاں۔
