سرکارؐ نرالے نیں
عبدالحمید نظامی
ہر دور دے شاہاں توں سرکار نرالے نیں
نبیاں تے رسولاں دے سردار نرالے نیں
اُس ساقی کوثر دی جہناں تے نگاہ ہوئی
میخانہء وحدت دے میخوار نرالے نیں
منیاکہ ہے مکّے وچ رحمت تے بڑی اُسدی
پر روضہء انور دے انوار نرالے نیں
سو وار میں جند واراں اک شہر مدینے توں
جنت دیاں پھلاں توں اوہ خار نرالے نیں
سرکارِ مدینہ دے لگے نیں قد م جتھے
طیبہ دیاں گلیاں تے بازار نرالے نیں
وچ روضے دے لیٹے جو سرکا ر دے قدماں وچ
سرکار دوعالم دے اوہ یار نرالے نیں
دس مینوں نظامیؔ توں کس گل دا اے غم تینوں
لجپال میرے آقاؐ ﷺ غمخوار نرالے نیں
