عبدالحمید نظامی
عبدالحمید نظامی
سچ وی نال خُشی دے ہسیا کربل وچ جد آئے حسینؓ
دُنیا اُتوں جھوٹھ دے ویکھو ناویں آپ مٹائے حسینؓ
باطل اگے سر نہیں جھکیا سچ د ا شملا اچا ر کھیا
اپنی جان وی دتی نالے ، بچڑے آپ کُہائے حسینؓ
حشر دے دن تک اوہناں وچوں مہکاں آوندیاں رہن گیاں
جر اء ت ہمت والے جگ تے جہڑے بوٹے لائے حسینؓ
دھرتی کنبی فلک نے ڈولھے اس ویلے سی خون دے ہنجھو
لاش اکبر دی موڈھیاں اُتے چا کے جدوں لیائے حسینؓ
ثابت قدم نظامیؔ رہنا ہر یزیدی دور دے اندر
ظلم دے اگے کدی نہ جھکنا سانوں سبق سکھائے حسینؓ
