امید روشنی فورم ولوں بال ادب قومی کانفرنس 2021 کورونا صورت حال وچ اہلِ قلم دا کردار

اختر سردار چودھری

امید روشنی فورم دے زیر اہتمام قومی کانفرنس برائے ادب اطفال 7 اگست 20211 بروز ہفتہ ملتان ٹی ہائوس وچ منعقد کیتی گئی۔ جس دا موضوع ’’کورونا کی صورت حال میں اہل قلم کا کردار‘‘ سی۔ کرونا دی وبا نے 2019 دے آخری دناں وچ سر چکیا تے پوری دنیا نوں اپنی لپیٹ وچ لے لیا۔ سال 2020ء دی قومی کانفرنس برائے ادب اطفال ایسے وجہ نال منعقد نہیں ہو سکی سی، ایس سال اللہ پاک دی توفیق تے عنایت نال کانفرنس دا انعقاد ممکن ہویا۔ حالاں کہ کرونا دی وجہ نال حالات ہن وی ساز گار نہیں سن۔ قومی سطح اُتے علمی و ادبی تقریبات دے انعقاد دا مقصد لکھاریاں دی حوصلہ افزائی تے مختلف تحریری مقابلیاں وچ کامیاب ہون والے امیداواراں نوں ایوارڈز تے سنداں تقسیم کرنا ہوندا اے۔ تاکہ ایہناں دی ادبی خدمات نوں پذیرائی ملے تے آئندہ لئی اوہ بہتر توں بہترین ادبی خدمات سرانجام دے سکن۔
قومی کانفرنس برائے ادب اطفال اپنے مقررہ ویلے اُتے شروع ہو ئی۔ سارے مہمانانِ گرامی ویلے اُتے تشریف لیائے۔ کمپیئرنگ دے فرائض پروفیسر روحان دانش ہوراں نے نہایت خوبصورت اواز و انداز وچ سرانجام دتے۔ تلاوت قرآن مجید تے نعت رسول مقبول نال کانفرنس دا باقاعدہ آغاز ہویا۔ ڈاکٹر محمد افتخار کھوکھر دی زیر صدارت منعقد ہون والی ایس قومی کانفرنس برائے ادب اطفال دے دیگر مہماناں وچ احمد حاطب صدیقی ،ضیغم مغیرہ ، فہد کلیم خان، خواجہ مظہر صدیقی،معروف مذہبی سکالر علامہ ناصر مدنی، اظہر سلیم مجوکہ،احمد عدنان طارق، ارشد اقبال بھٹہ اوراختر سردار چودھری جہی معتبر علمی و ادبی شخصیات دی کثیر تعداد شامل سن۔

مقررین نے قومی کانفرنس دے موضوع ’’ کورونا کی صورت حال میں اہل قلم کا کردار‘‘اُتے سیر حاصل گل ابت کیتی تے کرونا دے تعلیمی، معاشی تے سماجی مضمرات اُتے روشنی پائی۔ شدید گرمی تے حبس دے باوجود پورے ملک توں ادیباں، کالم نگاراں تے لکھاریاں نے بھرپور شرکت کیتی۔ شرکاء کانفرنس نے ایس تقریب دے انعقاد نوں وبا دے دناں وچ ہوا دا خوشگوار جھونکا قرار دتا۔اہل قلم حضرات دا کہنا سی کہ ایس قومی کانفرنس دے علم و ادب دی ترویج تے ترقی اُتے مثبت اثرات مرتب ہون گے۔
مقررین دے خطابات دے دوران کانفرنس دے تسلسل نوں نہایت خوبصورت نال برقرار رکھدے ہوئے لکھاریاں نو ں انعامات تے سنداں نال وی نوازیا جاندا رہیا۔ ایس کانفرنس وچ پروفیسر محسن بھٹی نے یادداشت بہتر کرن دے طریقے دسے تے لافٹر تھراپی دے عنوان توں صائمہ علی نے بڑے مدلل انداز وچ خوش رہن دے طریقے سمجھائے۔ بالاں دے معروف ادیب تے کتب کثیرہ دے مصنف احمد عدنان طارق نے کرونا دے دناں وچ بالاں نوں کتاب بینی ول راغب کرن دے مشورے دین تے بالاں دی کتاب نال دوستی دے حوالے نال عمدہ خیالات دا اظہار کیتا۔
مشہور جاسوسی کہانیاں تے ناولاں دے مصنف مظہر کلیم ایم اے مرحوم دے صاحب زادے فہد کلیم خان نے اپنے والد محترم دی علمی و ادبی خدمات دے حوالے نال تفصیل نال روشنی پائی تے موجودہ دور وچ بالاں دے ادب اُتے سیر حاصل گل بات کیتی۔ نامور ٹی ویشنل اسپیکر خواجہ مظہر صدیقی نے حسب سابق اپنے خوبصورت انداز وچ بالاں دا ادب، وبا دے دناں وچ ادیباں دا کردار، خوبصورت شاعری تے مزاح نال بھرپور تے پرُ اثر خطاب کیتا۔
نامور مبلغ علامہ ناصر مدنی ایس کانفرنس دے خصوصی مہمان تے کانفرنس دے آخری مقرر سن جنہاں نے اپنے مخصوص انداز وچ چٹکلیاں تے طنز و مزاح نال بھرپور خطاب کیتا تے معاشرتی پہلوئواں اُتے روشنی پائی جس وچ ایہناں دیاں خوبصورت گلاں بالاں تے والدین سنے اہل قلم لئی وی مفید ثابت ہوئیاں۔ کانفرنس وچ شریک بالاں، خواتین، والدین، استاداں تے اہل قلم سنے سارے مہماناں نے خوب مزے کیتے۔
کشمیر جنت نظیر ایوارڈ جیہڑا 2020 ء دی سالانہ قومی کانفرنس و چ دینا سی اوہ ایس سال یعنی 2021ء دی سالانہ قومی کانفرنس وچ دتا گیا۔ 2020ء دی قومی کانفرنس برائے ادب اطفال کرونا دی وجہ نال اجازت نہ ملن پاروں ملتوی کر دتی گئی سی۔ کشمیر جنت نظیر ایوارڈ بہترین کہانی اُتے پہلا انعام ڈاکٹر ادیب عبد الغنی شکیل،بہترین کہانی تیجا سلمان یوسف سمیجہ، بہترین مضمون پہلا عمر شوکت، بہترین نظم پہلا ارسلان اللہ خان، بہترین نظم دوجا طاہرہ طلعت، بہترین نظم دوجا احمد شفیق، بہترین نظم تیجا محمد رمضان شاکر نوں دتا گیا۔

جاسوسی کہانی مقابلے وچ کامیاب ہون والے لکھاریاں وچ مظہر کلیم ایوارڈز تقسیم کیتے گئے جیہڑے ایہناں دے پتر فہد کلیم خان نے اپنے ہتھ نال دتے۔ ایوارڈز یافتگان وچ علی حیدر،محمد اکمل معروف تے محمد شاہد اقبال شامل سن۔اعتراف خدمت ایوارڈ نال غلام زادہ نعمان صابری، عبد الرحمٰن رزاقی، حاجی لطیف کھوکھر، راؤ طاہر شہزاد، ہارونہ آپی، مجید احمد جائی، محمد زبیر ارشد، روحان دانش، اعظم سعید، منصور نقشبندی، عرفات ظہور، ارسلان سرفراز، یونس جاوید، اقبال بلال،احتشام الحق، عبد القادر فیاض، اسامہ آصف،غلام مصطفیٰ، میاں وقاص فرید قریشی، عتیق نائچ، مختار حسین سومرو، امان اللہ نیر شوکت، قاری محمد عبداللہ، عبد الصمد مظفر پھول بھائی، محمد نادر کھوکھر، مدثر، امجد نظیر، ثمینہ طاہر بٹ، صبا سلیم نوں نوازیا گیا۔
بچوں کا پرستان ایوارڈ اک ای سی جیہڑا مدیر اعلیٰ امان اللہ نیئر شوکت ولوں رحمانہ بنت اشرف نوں دتا گیا۔ ادب دوست ایوارڈ جمیل ہاشمی،عمران علی اعوان، ڈاکٹر افتخار کھوکھر، ضیغم مغیرہ،زاہد بلال قریشی، پروفیسر عنایت علی قریشی، خواجہ مظہر صدیقی، علامہ ناصر مدنی، ارشد اقبال بھٹہ، فہد کلیم خان اور اظہر سلیم مجوکہ نوں دتا گیا۔ کرن کرن روشنی ایوارڈ رضوان شہزاد، ماہ نور نعیم، نمرہ ملک،ملک محمد احسن، علی حسنین تابش،ندیم اختر، عابد معراج، اظہر محمود شیخ، صائمہ علی، انجینئر محسن بھٹی تے سحرش ناز نوں دتا گیا۔ دو مہماناں نوں خصوصی ایوارڈ نال نوازیا گیا جنہاں وچ احمد عدنان طارق تے تسنیم جعفری شامل سن۔
کانفرنس دے اختتام اُتے سارے مہماناں دی چکن بریانی تے جوس نال تواضع کیتی گئی۔ دوجے شہراں توں تشریف لیائے ہوئے دیگر مہماناں نوں مختار حسین سومرو نے پر محبت عشائیہ دتا تے انج شان و شوکت نال منعقد ہون والی ایہہ قومی کانفرنس برائے ادب اطفال ختم ہوئی۔ آخر وچ ایس کانفرنس دے منتظمین علی عمران ممتاز تے غلام زادہ نعمان صابری سنے دیگر معاونین نوں کامیاب کانفرنس منعقد کرن اُتے دلی مبارکباد پیش کرنا واں۔