کنک بحران دی تحقیقات لئی ایف آئی اے ٹیم تشکیل، ڈپٹی ڈائریکٹر سربراہ مقرر

اسلام آباد: کنک بحران دے اسباب جانن لئی ایف آئی اے دی خصوصی ٹیم تشکیل دے دتی گئی۔ سپیشل ٹیم بحران وچ ملوث مافیا تے ذمہ داراں دا تعین کرے گی۔

ڈپٹی ڈائریکٹر ایف آئی اے خصوصی ٹیم دے سربراہ مقرر جد کہ دو اسسٹنٹ ڈائریکٹرز تے دوجا عملہ وی ٹیم دا حصہ ہووے گا۔ وسیلیاں دے مطابق خصوصی ٹیم کنک تے آٹے دے بحران وچ ملوث مافیا تے ذمہ داراں دی نشاندہی کرے گی، بحران وچ ملوث سرکاری ملازمین تے حکومتی شخصیات وی بے نقاب ہون گیاں۔

فلور ملز مالکان نے کنی کنک خریدی، کناں آٹا بنایا، کنک دی مجموعی پیداوار کنی ہوئی، اوپن مارکیٹ توں کنک کہڑے کہڑے بندیاں نے خریدی، سارے معاملات دی رپورٹ تیار کرکے اعلیٰ حکام نوں گھلی جاوے گی۔ ایف آئی اے دی خصوصی ٹیم رپورٹ وچ کنک تے آٹے دے بحران تے فوری قابو پان لئی تجاویز وی دیوے گی۔