غزل
یونس بھٹی
مر کے وی ایہ لہنا نہیں جو رنگ چڑھایا سائیاں نیں
میں ساں ہولا ککھاں توں وی بھار بنایا سائیاں نیں
جگ نے ماری ٹھوکر انج دی دور دراڈے ڈھٹھا میں
کنے بختاں والا ساں میں سینے لایا سائیاں نیں
بن منگیاں اے لبھیا سبھ کجھ نالے ڈھیر اوقاتوں وی
ایتھے اوتھے رج گیا واں خیر انج پایا سائیاں نیں
کسراں کسراں دریا نالے نت ڈراندے سی سمندر
خود سمندر تاریا جسلے ہتھ پھڑایا سائیاں نیں
عزتاں لبھیاں یونس بھٹی مینوں صدقے پاکاں دے
نورے توں تک نور محمد کنج سدوایا سائیاں نیں
