نیب قنون وچ ترمیم دے باوجود افسراں دے حوصلے اُچے نیں: چیئرمین نیب
لہور: چیئرمین نیب جاوید اقبال آکھیا اے نیب قنون وچ ترمیم دے باوجود افسراں دے حوصلے اُچے نیں۔ چیئرمین نیب جاوید اقبال دی زیر صدارت نیب لہور وچ اجلاس ہویا جہدے وچ اوہناں نے نیب ترمیمی آرڈیننس بارے غیر رسمی گل کردیاں آکھیا نیب قنون وچ ترمیم دے باوجود افسراں دے حوصلے اُچے نیں تے کرپشن کیساں وچ کسے نوں نہیں چھڈیا جاوے گا۔ جسٹس (ر) جاوید اقبال دا کہنا سی نیب دی مجرماں نوں سزا دوان دی مجموعی شرح تقریباً 70فیصد اے تے نیب دا ایمان کرپشن فری پاکستان اے۔
واضح رہوے کہ سرکار تے اپوزیشن وچکار نیب قنون وچ ترمیم تے گل بات جاری اے۔ ایس حوالے نال سرکار نے نیب ترمیمی آرڈیننس جاری کیتا سی پر اپوزیشن نال مشاورت دے بعد ایہنوں واپس لے لیا گیا تے نیب قنون وچ ترمیم لئی پارلیمنٹ دے راہیں قنون سازی تے اتفاق کیتا گیا اے۔
