سید علی گیلانی دی غائبانہ نمازِ جنازہ، صدر،DG ISIسنے ہور وزیراں دی رلت
اسلام آباد(پنجابی میڈیا گروپ)تحریکِ آزادی کشمیر دی روحِ رواں، بزرگ حریت رہنما سید علی گیلانی دی غائبانہ نمازِ جنازہ وفاقی دارالحکومت اسلام آباد دی فیصل مسجد وچ ادا کر دتی گئی۔سید علی گیلانی دی غائبانہ نمازِ جنازہ دی صدر مملکت ڈاکٹر عارف علوی تے ڈی جی آئی ایس آئی لیفٹیننٹ جنرل فیض حمید نے وی ادائیگی کیتی۔بزرگ حریت رہنما دی نمازِ جنازہ وچ وزیرِ اعظم عمران خان دے مشیر برائے قومی سلامتی امور معید یوسف تے وفاقی وزیرِ اطلاعات و نشریات فواد چوہدری وی شریک ہوئے۔فیصل مسجد اسلام آباد وچ ہون والی سید علی گیلانی دی غائبانہ نمازِ جنازہ وچ ہزاروں افراد نے شرکت کیتی۔
