کورونا نے دنیا وچ مسائل پیدا کیتے،غذائی قلت وڈا چیلنج اے: وزیراعظم
اسلام آباد(پنجابی میڈیا گروپ)وزیراعظم نے آکھیااے کہ کورونا وبا نے دنیا بھر وچ مسائل پیدا کیتے، غذائی قلت وڈا چیلنج اے۔دنیا بھر وچ ماحولیاتی تبدیلی، غربت تے غذائی عدم تحفظ دے چیلنجز وی درپیش نیں۔وزیراعظم عمران خان نے چین وچ منعقدہ فورم دے نال ورچوئل خطاب کردیاں ہویاں آکھیا کہ کورونادے نال معیشت عالمی سطح اتے متاثر ہوئی، چین ترقی پذیر ممالک لئی رول ماڈل اے۔عمران خان ہوراں نے مزیدآکھیا اے کہ ٹیکنالوجی دے ذریعے زمیناں نوں بنجر ہون توں بچایا جا سکدا اے۔ حساس پروگرام نے کرونا دے مسائل حل کرن وچ مدد دتی۔ اسیں صاف تے سرسبز پاکستان ول ودھ رہے آں۔ اسیں بلین ٹری منصوبے دے تحت اک ارب درخت لگا چکے آں۔
Load/Hide Comments





















