چیمبر وچ کُڑی نال زیادتی دے الزام وچ جج دے خلاف مقدمہ درج
سیہون: چیمبر وچ کُڑی نال زیادتی دا نشانہ بنان والے جج امتیاز حسین بھٹو دے خلاف مقدمہ درج کر لیا گیا۔ سیہون وچ پسند دی شادی کرن والی کُڑی سلمیٰ بروہی نے الزام لایا سی کہ جوڈیشل مجسٹریٹ امتیاز حسین بھٹو نے بیان لین دے بہانے اپنے چیمبر وچ اوہنوں زیادتی دا نشانہ بنایا۔
کُڑی ولوں الزام لائے جان دے بعد جج نوں مس کنڈکٹ دی بنیاد تے معطل کر دتا گیا سی تے ہن جج دے خلاف کُڑی نال زیادتی دا مقدمہ درج کر لیا گیا اے۔ پلس سٹیشن سیہون وچ ایس ایچ او مظہر حسین نائچ دی مدعیت وچ کُڑی نال زیادتی دا مقدمہ درج کیتا گیا۔
کُڑی سلمیٰ بروہی توں دارالامان لاڑکانہ وچ لئے گئے تازہ بیان دے بعد جج دے خلاف قانونی کاروائی وچ ایہ پیش فت ہوئی۔ڈی ایس پی سیہون بشیر کھونہارو نے سلمیٰ بروہی توں دارالامان انتظامیہ دے ساہمنے دوجا بیان لیا جہدے وچ اوہنے زیادتی دی تصدیق کیتی۔ پلس دے اعلیٰ افسراں دی ہدایت تے جج دے خلاف مقدمے وچ دفعہ 376 تے 506شامل کیتی گئیاں نیں۔
