کوئٹہ: جواناں دی شفٹ تبدیلی ویلے دھماکا ہویا: شیخ رشید
اسلام آباد(پنجابی میڈیا گروپ)وفاقی وزیرِ داخلہ شیخ رشید احمد نے اج کوئٹہ وچ ایف سی چیک پوسٹ دے نیڑے ہون والے خود کش دھماکے دے حوالے دے نال گل بات کردیاں ہویاں آکھیا اے کہ جس ویلے جواناں دی شفٹ تبدیل ہو رہی سی ایس ویلے دھماکا ہویا۔ پاک افغان بارڈر طورخم د ے نیڑے پترکاراں دے نال گل بات کردیاں ہویاں وفاقی وزیرِ داخلہ شیخ رشید احمد نے دسیا کہ دھماکے وچ 3 جوان شہید تے 20 زخمی ہوئے نیں۔شیخ رشید نے آکھیا کہ توقع کرنے آں کہ افغان سرزمین پاکستان دے خلاف استمال نہیں ہووے گی۔چار ہزار لوکائی افغانستان توں پاکستان آئے نیں، ایہدے توں زیادہ افغانستان گئے نیں۔ اسیں افغانستان توں دس ہزار لوکائی دا انخلا کیتا اے۔ شیخ رشید نے آکھیا کہ بھارتی میڈیا پاکستان مخالف پروپیگنڈا کر رہیا ے۔ ایہہ خطہ بوہت اہم ہون جارہیا اے۔ ہزاراں میل دو لوکائی دے پریشر توں نکلن جارہے آں۔





















