علی گیلانی دا جسد خاکی کھونا بھارتی سرکار دا شرمناک قدم اے: عمران خان
اسلام آباد(پنجابی میڈیا گروپ)وزیراعظم عمران خان نے حریت رہنما سید علی گیلانی دا جسد خاکی چھیننا بھارتی سرکار دا شرمناک اقدام قرار دے دتا۔ وزیراعظم عمران خان نے اپنے ٹویٹر پیغام وچ آکھیا کہ حریت رہنما دے خاندان دے خلاف مقدمات دا اندارج نازی ازم توں متاثر آر ایس ایس دی بی جے پی سرکار دی شرمناک مثال اے۔دوجے پاسے وفاقی وزیر منصوبہ بندی اسد عمر داآکھنا سی کہ علی گیلانی نے شدت پسند سرکار دے خلاف آزادی دی شمع روشن رکھی۔ بھارت سرکار علی گیلانی دے انتقال دے بعد وی ایہناں دے پیغام توں خوفزدہ اے۔ ایہناں دے خاندان نوں تدفین وی نہیں کرن دتی گئی۔ ظلم درظلم بھارتی سرکار نے ایہناں د ے خاندان والیا ں دے خلاف مقدمہ وی درج کرا دتا۔
Load/Hide Comments





















