ٹرمپ دے نال ملاقات، عمران خان دا مسئلہ کشمیر حل کرن لئی امریکی کردار دی لوڑ تے زور

اسلام آباد: وزیراعظم تے صدر ٹرمپ وچکار ملاقات دے بعد جاری اعلامیہ وچ آکھیا گیا اے عمران خان نے مسئلہ کشمیر حل کرن لئی امریکی کردار دی لوڑ تے زور دتا اے۔ دفتر خارجہ ولوں جاری اعلامیے دے مطابق دوواں رہنماواں وچکار ملاقات وچ تجارت تے سرمایہ کاری دے شعبیاں وچ جد کہ دو طرفہ تعلقات نوں مستحکم کرن تے اتفاق کیتا گیا۔

دوواں پاسیوں مقبوضہ کشمیر دی صورتحال تے وی گل بات کیتی۔ وزیراعظم نے مسئلہ کشمیر دے حل لئی امریکی کردار دی لوڑ تے زور دتا۔ اعلامیے وچ آکھیا گیا اے وزیراعظم نال ملاقات وچ صدر ٹرمپ نے پاک بھارت کشیدگی وچ کمی تے مسئلہ کشمیر دے حل لئی خواہش دا اعادہ کیتا۔

وزیراعظم عمران خان تے صدر ٹرمپ نے افغان مفاہمتی امن عمل بارے وی تبادلہ خیال کیتا۔ ایس موقع تے عمران خان نے مشرق وسطیٰ وچ کشیدگی وچ کمی لئی صدر ٹرمپ نوں پاکستانی کوششاں توں آگاہ کیتا تے امریکا، ایران کشیدگی وچ کمی لئی برداشت دا مظاہرہ تے سفارتی چینل دے استعمال تے زور دتا۔