1965 وچ پاکستانی قوم مضبوط چٹان ونگوں دشمن ساہمنے ڈٹ گئی: وزیراعظم
اسلام آباد(پنجابی میڈیا گروپ)وزیراعظم عمران خان نے آکھیا اے کہ زندہ قوماں آزمائشاں توں لنگ کے ہور زیادہ مضبوط ہوجاندیاں نیں۔1965 وچ پاکستانی قوم مضبوط چٹان دی طرحاں دشمن دے ساہمنے ڈٹ گئی۔ وزیراعظم عمران خان نے یوم دفاع اتے اپنے پیغام وچ آکھیا کہ 6 ستمبر نوں بھارت نے پاکستان اتے غیر اعلانیہ جنگ مسلط کیتی، پوری قوم اٹھ کھڑی ہوئی، بوہت سارے لوکائی نہتے پیدل ای سرحداں ول چل پے سن۔ بہادر افواج نے ثابت کیتا وطن دی حفاظت لئی ہمہ ویلے تیار نیں،عمران خان نے اپنے پیغام وچ مزیدآکھیا اے کہ ساڈے جوان جان دی پرواہ کیتے بغیر جرات وبہادری دے نا ل لڑے۔ اوہناں نے مزیدآکھیا کہ چھ ستمبر مسلح افواج دے شہداء تے غازیاں نوں خراج عقیدت پیش کرن دا دن اے۔ ساڈے شہداء تے غازی ہمیشہ تہوں قوم دی امید تے فخر رہے نیں۔
Load/Hide Comments





















