کورونا پاروں ہور 98 چل بسے،3316نویں کیس ساہمنے آگئے
اسلام آباد(پنجابی میڈیا گروپ)سماجی فاصلے، ماسک نوں نظر انداز کرن تے ایس او پیز دی خلاف ورزیاں دے باعث پاکستان وچ کورونا وائرس دی چوتھی لہر زور پھڑن لگی، ملک کورونا مریضاں دے حوالے توں مرتب کیتی گئی فہرست وچ 31 ویں نمبر اتے آپڑ گیا۔نیشنل کمانڈ اینڈ آپریشن سینٹر (این سی او سی) دے اعداد و شماردے مطابق پاکستان وچ پچھلے 24 گھنٹیاں دے دوران کورونا وائرس دے مزید 3 ہزار 316 کیسز ساہمنے آئے نیں، مزید 98 افراد ایس موذی وباء دے ساہمنے زندگی دی بازی ہارگ ئے نیں۔ ایہدے مزید تن ہزار 270ہزار مریض شفایاب ہوگئے۔ مثبت کیسز دی شرح چھ اعشارہیہ 33فیصد ہوئی۔ پاکستان بھروچ کورونا وائرس دے ہن تیک 26 ہزار 330 مریض انتقال کر چکے نیں ،ایس موذی وائرس دے کْل مریضاں دی تعداد 11 لکھ 86 ہزار 234 ہو چکی اے۔ملک بھر وچ ہسپتالاں، قرنطینہ سینٹرز، وینٹی لیٹرز تے گھراں وچ کورونا وائرس دے 92 ہزار 315 مریض زیرِ علاج نیں، جہناں وچوں 5 ہزار 478 مریضاں دی حالت تشویش ناک اے۔





















