پاک فضائیہ دفاع لئی مکمل تیار اے،سربراہ پاک فضائیہ
اسلام آباد (پنجابی میڈیا گروپ)پاک فضائیہ نے ملک بھر وچ اپنے سارے ائیر بیسز تے تنصیبات اتے 07 ستمبر یوم شہداء دے طور تے منایا،دن دا آغاز 1965 تے 1971 دی جنگاں دے شہداء تے ایہناںدے سارے افراد لئی خصوصی دعائوواں تے قرآن خوانی دے نال کیتا گیا۔ جنہاں نے پاکستان دے معرض وجود وچ آن توں لے کے ہن تیک مادر وطًن لئی اپنی جاناں قربان کیتیاں ۔ایسی سلسلے دی مرکزی تقریب ائیر ہیڈ کوارٹرز اسلام آبادوچ منعقدکیتی گئی۔ سربراہ پاک فضائیہ ائیر چیف مارشل ظہیر احمد بابر سدھو تقریب دے مہمانِ خصوصی سن۔ 07 ستمبر دے یادگار تے تاریخی دیہاڑ دے موقع اتے خطاب کردیاں ہویاں ائیر چیف نے پاک فضائیہ دے ایہناں سارے ہیروز نوں خراجِ تحسین پیش کیتا جہناں نے ہمیشہ بے مثال بہادری دے نال قوم دی آوناز اتے لبیک آکھیا۔ ایئر چیف نے آکھیا کہ پاک فضائیہ خطے دی بدلدی ہوئی صورتحال توں باخبر اے تے پاکستان دی سالمیت تے وقار دے دفاع لئی مکمل تیار اے۔ ایس خاص دن دے موقع اتے اوہناں نے ایہناں سارے کشمیریاں دے نال وی یکجہتی دا اظہار کیتا جنہاں نے آزادی دی خاطر لڑدیاں ہویاں اپنی جاناں دانذرانہ پیش کیتا۔ تقریب وچ پرنسپل اسٹاف آفیسرز، افسران، ائیر مین تے سویلینز دی اک وڈی تعداد نے شرکت کیتی۔ قبل ازیں ایس تاریخی دیہاڑ دی مناسبت دے نال کراچی وچ پائلٹ آفیسر راشد منہاس شہید (نشانِ حیدر) دی قبر اتے ائیر وائس مارشل زعیم افضل، ائیر آفیسر کمانڈنگ، سدرن ائیر کمانڈ نے سربراہ پاک فضائیہ ولوں پھولاں دی چادر چڑھائی تے فاتحہ خوانی کیتی۔





















