افغانستان وچ تبدیلی اک حقیقت اے، شاہ محمود قریشی

اسلام آباد(پنجابی میڈیا گروپ)وزیرِ خارجہ شاہ محمود قریشی آکھدے نیں کہ افغانستان توں متعلق ساریاں پچھلیاں پیشگوئیاں غلط ثابت ہوئیاں، افغانستان وچ تبدیلی اک حقیقت اے۔ افغانستان دے لوکائی دے نال آں، افغانستان دے مسائل افغانستان دے عوام نوں ای حل کرنے چاہیدے نیں۔افغانستان دی صورتِ حال اتے 6 ملکی ورچوئل علاقائی کانفرنس دے نال خطاب کردیاں ہویا ں وزیرِ خارجہ شاہ محمود قریشی نے آکھیااے کہ افغانستان وچ کوئی خون ریزی نہیں ہوئی۔ طالبان نے عبوری کابینہ دا اعلان کیتا اے اوتھے ہون والی تبدیلیاں دا جائزہ لے رہے آں۔ اوہناں نے آکھیا پچھلے چند ہفتیاں دے واقعات نے خطے نوں عالمی سطح اتے اہمیت دا حامل بنا دتا اے۔ شاہ محمود ہوراں نے مزیدآکھیا کہ افغان صورتحال دے ساڈے خطے تے دنیا اتے گہرے اثرات مرتب ہون گے۔ کوئی وی حالیہ واقعات وچ تیزی دے نال تبدیلی دا اندازہ نہیں لگا سکدا سی۔ شاہ محمود قریشی نے مزیدآکھیا کہ افغانستان دی صورتِ حال مشکل تے پیچیدہ اے۔

اپنا تبصرہ گھلو