ویکسی نیشن سرٹیفکیٹ دی فیس25روپے کرن دے مطالبے دی قرارداد اسمبلی سیکرٹریٹ وچ جمع

لہور(پنجابی میڈیا گروپ)کورونا ویکسی نیشن سرٹیفکیٹ دی فیس 25روپے مقرر کرن دے مطالبے دی قرارداد اسمبلی سیکرٹریٹ وچ جمع کروا دتی گئی۔ مسلم لیگ(ن)دی رکن حناپرویز بٹ دے ولوں جمع کرائی گئی قرارداد دے متن وچ آکھیا گیا اے کہ نادرا کروناسرٹیفکیٹ دی فیس سو روپے وصول کررہیا اے۔ پاکستان وچ کروڑاں لوکائی کورونا ویکسین لگارہے نیں،ہر شہری کورونا سرٹیفکیٹ لین لئی نادرا نوں سو روپے فیس دین دی استاعت نہیں رکھدا۔ اگر خاندان دے آٹھ افراد نے ویکسین لگوائی اے تے ایہناں نوں سرٹیفکیٹ دے حصول لئی 800روپے دینا ہون گے ۔موجودہ مہنگائی دے دور وچ عام آدمی لئی 100فیس ناقابل قبول اے۔مطالبہ اے کہ سرٹیفکیٹ دی فیس 25روپے مقرر کیتی جاوے۔

اپنا تبصرہ گھلو