پاک بحریہ دے تن ریئر ایڈمرلزدی وائس ایڈمرل دے عہدے اُتے ترقی

اسلام آباد(پنجابی میڈیا گروپ)پاک بحریہ دے تن ریئر ایڈمرلز نوں وائس ایڈمرل دے عہدے اتے ترقی دے دتی گئی ۔ ترجمان پاک بحریہ دے مطابق ترقی پان والیاں وچ وائس ایڈمرل عمران احمد، وائس ایڈمرل نوید اشرف تے وائس ایڈمرل اویس احمد بلگرامی شامل نیں۔ ترجمان پاک بحریہ دے مطابق تیناں افسران پاک بحریہ وچ کمانڈ تے اسٹاف دی متعدد اہم ذمہ داریاں سرانجام دین دا وسیع تجربہ رکھدے نیں۔ترجمان پاک بحریہ دے مطابق وائس ایڈمرل عمران احمد ڈپٹی چیف آف نیول اسٹاف (میٹیریل)، کمانڈنٹ پاکستان نیوی انجینئرنگ کالج تے ڈائریکٹر جنرل میری ٹائم ٹیکنالوجی کمپلیکس دی ذمہ داریاں سرانجام دے چکے نیں۔ ترجمان پاک بحریہ دے مطابق وائس ایڈمرل عمران احمد ایس ویلے ڈپٹی چیف آف نیول اسٹاف (پراجیکٹس) دے عہدے اتے تعینات نیں۔ ترجمان پاک بحریہ دے مطابق وائس ایڈمرل نوید اشرف کمانڈانٹ پاکستان نیول اکیڈمی، ڈپٹی پریذیڈنٹ نیشنل ڈیفینس یونیورسٹی اسلام آباد، ڈائریکٹر جنرل (C4I)، نیول سیکرٹری تے ڈپٹی چیف آف نیول اسٹاف (ایڈمن) دی ذمہ داریاں سرانجام دے چکے نیں۔ ترجمان پاک بحریہ دے مطابق وائس ایڈمرل نوید اشرف ایس ویلے کمانڈر پاکستان فلیٹ دے عہدے اتے تعینات نیں۔ ترجمان پاک بحریہ دے مطابق وائس ایڈمرل اویس احمد بلگرامی کمانڈر پاکستان فلیٹ دے چیف اسٹاف آفیسر، چیف آف دی نیول اسٹاف دے پرنسپل سیکرٹری تے ڈپٹی چیف آف نیول اسٹاف (آپریشنز) دے نال نال وزارت دفاع وچ اہم ذمہ داریاں سرانجام دے چکے نیں۔ ترجمان پاک بحریہ دے مطابق وائس ایڈمرل اویس احمد بلگرامی ایس ویلے کمانڈر کراچی دے عہدے اتے تعینات نیں۔

اپنا تبصرہ گھلو