وزیراعظم ایمرجنسی پروگرام دے تحت300ارب دے منصوبیاں اُتے کم جاری اے ، وزیراعلیٰ پنجاب
لہور(پنجابی میڈیا گروپ)وزیراعلی پنجاب سردار عثمان بزدار نے آکھیا اے کہ وزیراعظم ایمرجنسی پروگرام دے تحت 300 ارب دے منصوبیاں اتے کم جاری اے ،کھاداں اتے ساڑھے بارہ ارب روپے سبسڈی دتی گئی اے۔وزیراعلی پنجاب عثمان بزدار داآکھنا اے کہ پنجاب سرکار دے کساناں دی خوشحالی تے معاشی استحکام لئی تاریخی اقدامات کیتے جارہے نیں۔ تصدیق شدہ بیج تے جدید زرعی مشینری تے 4.4 ارب روپے سبسڈی دے رہے نیں۔ کاشتکاراں نوں لیزر لینڈ لیولرز دی فراہمی لئی 65 کروڑ روپے سبسڈی دتی جارہی اے۔وزیراعلی نے مزیدآکھیا کہ ای کریڈٹ سکیم دے تحت 45 ارب روپے دے بلاسود قرضے دتے جا رہے نیں، صوبہ بھر وچ بنجر زمینا ں دی بحالی دے نال کساناں نوں 3 ارب روپے دی اضافی آمدن حاصل ہوئی۔صوبے وچ 50 فیصد سبسڈی اتے 42 کروڑ 90 لکھ روپے توں سولر سسٹم لگائے جارہے نیں۔
Load/Hide Comments





















