شہباز شریف نے مریم نواز نوں سائیڈ تے کر دتا،فیاض چوہان
لہور(پنجابی میڈیا گروپ)فیاض الحسن چوہان نے آکھیا اے کہ شہباز شریف نے مریم نواز نوں سائیڈ لائن کر دتا۔ن لیگ دے ترجماناں وچ پھوٹ پے گئی۔ ن لیگ فیصلہ نہیں کر پا رہی ترجمان کس نوں لگانا اے۔ ایہناں دے ترجمان آل شریف دی طرحاں ہو چکے نیں۔ پنجاب سرکاردے ترجمان فیاض الحسن چوہان نے پریس کانفرنس کردیاں ہویاںآکھیا اے کہ اج کھودیا پہاڑ نکلیا چوہا دے مصداق ن لیگ دے ترجمان نے پریس کانفرنس کیتی، پچھلے 15 یا 20 روز توں پنجاب سرکار دی آڈٹ رپورٹ دے پیراز آگئے، ان آڈٹ پیراز دا ڈھنڈورا پیٹیا جا رہا سی۔فیاض الحسن چوہان داآکھنا یا کہ ن لیگ دے دس سالہ اقتدار وچ ہون والے آڈٹ دا ذکرکراں گا۔ 2008 توں 2009 دی آڈٹ رپورٹ وچ 257 آڈٹ پیراز سن، ایہناں پیراز وچ دسیا گیا کہ 522 ارب روپیہ خادم اعلی دے دور وچ کرپشن ہوئی، آڈٹ رپورٹ وی ن لیگ دے دور وچ ای بنی، عثمان بزدار دور دے پہلے سال 25 ارب روپے دی ریکوری کیتی گئی۔





















