پنجاب وچ کورونا بے قابو ہو گیا
لہور(پنجابی میڈیا گروپ) پنجاب وچ کورونا دی شرح وچ تیزی دے نال اضافے دے پیش نظر 3 ستمبردے لاک ڈان آرڈروچ توسیع کردیاں ہویاں پابندیاں ودھا دتیاں گیاں نیں۔ تفصیلات دے مطابق پنجاب وچ کرونا وائرس دی شرح تیزی دے نال اضافہ ہو رہیا اے۔ جہدے پیش نظر تن ستمبر دے لاک ڈان آرڈر وچ توسیع کردیاں ہویاں پابندیاں ودھادتیاں گیاں نیں۔ سیکرٹری صحت نے مزیدآکھیا کہ کورونااضافے دے پیش نظر پنجاب دے 15ہائی رسک اضلاع وچ 15ستمبرتیک پابندیاں مزید سخت کردتی گئی اے۔ 15ہائی رسک اضلاع وچ لہور ، راولپنڈی، فیصل آباد،ملتان ، خانیوال، میانوالی، سرگودھا، خوشاب،بہاولپور ، گوجرانوالہ،رحیم یار خان، گجرات ،شیخوپورہ، سیالکوٹ ،بھکر شامل نیں۔سیکرٹری صحت داآکھنا سی کہ منتخب اضلاع وچ تعلیمی ادارے15ستمبرتیک بند رہین گے ، مارکیٹ،کاروباری سرگرمیاں رات 8وجے تیک جاری رہین گیاں۔ ہفتہ تے اتوار مکمل لاک ڈائون روے گا۔ سارے جم بند رہین گے۔ سارے سرکاری،نجی دفاتروچ حاضری 50فیصد ہو وے گی۔ تفریحی پارکس ، سوئمنگ پولز، واٹراسپورٹس بندرہین گے۔





















