کورونا پاروں ہور58افراد زندگی دی بازی ہار گئے
اسلام آباد(پنجابی میڈیا گروپ)ملک بھر وچ کورونا پاروں مزید 58 افراد زندگی دی بازی ہار گئے۔مجموعی اموات دی تعداد 26ہزار 720ہو گئی ،3 ہزار 153 نئے کیسز ریکارڈ ہوئے ،پاکستان وچ ایکٹو کیسز دی تعداد91 ہزار 15 ہو گئی اے۔ تفصیلات دے مطابق جان لیوا وائرس دے نال اموات دا سلسلہ تھم نہ سکیا ، مزید 58افراد جاں بحق ہوئے جہدے بعد مجموعی اموات دی تعداد 26ہزار 720ہو گئی ، کورونا مثبت کیسز دی شرح 5اعشاریہ چار پنج فیصد ریکارڈ کیتی گئی اے۔ اتوار نوں این سی او سی دے مطابق پاکستان وچ ایکٹو کیسز دی تعداد 91ہزار 15اے، مجموعی کیسزدی تعداد 12 لکھ 4 ہزار 520 ہو گئی۔ 3 ہزار 153 نئے کیسز ریکارڈ ہوئے جدکہ 10لکھ 86ہزار 785افراد کورونا توں صحت یاب ہوئے نیں۔ اعدادوشمار دے مطابق پنجاب وچ 4لکھ 13ہزار 182،سندھ وچ 4لکھ 44ہزار 464،خیبر پختونخوا وچ اک لکھ 68ہزار 258، اسلام آباد وچ اک لکھ 2ہزار 617 تے بلوچستان وچ 32 ہزار 569 کیسز رپورٹ ہوئے نیں۔





















