پاکستان وچ فرقہ وارانہ فضا بنائی جارہی اے:شیخ رشید
کراچی(پنجابی میڈیا گروپ)وفاقی وزیر داخلہ شیخ رشید احمدداآکھنا اے کہ پاکستان وچ فرقہ وارانہ فضا بنائی جارہی اے جہد ے وچ بیرونی ہتھ ملوث اے۔کراچی وچ پریس کانفرنس دے دوران شیخ رشید نے آکھیا کہ افغانستان وچ پاکستان دی دلچسپی صرف امن و استحکام اے، پاکستان دنیا دے نال امن وامان دی گل کرے گا۔ اسیں امن دی خاطر طالبان نوں امریکہ دے نال بٹھایا۔ پاکستان نے آٹھ توں دس ہزار افراد نوں افغانستان توں کڈکے دوجیاں ملکاں تیک پہنچایا۔ کل دنیا دے 8 انٹیلی جنس چیف پاکستان آئے، بھارت وچ صف ماتم بچھیا ہویا اے۔ بھاتی میڈیا جھوٹھ اگل رہیا اے کہ چیخ چیخ کے پاکستان اتے پابندیاں لگان دی گلا ں کر رہیا اے۔ وزیرداخلہ نے مزیدآکھیا اے کہ مودی پنج شیر دی من گھرت کہانیاں چلا رہیا اے۔ شیخ رشید نے مزیدآکھیا اے کہ افغانستان دے اکائونٹس منجمد کرنا کوئی دانشمندی نہیں۔ دنیا دے نال اپیل کرناں واں کہ افغانستان دے اکائونٹ بحال کیتے جان۔ پاکستان نے افغان سرحد اتے باڑ ایس لئی لگا ئی تاکہ ات گردی نہ ہووے۔





















