عمر شریف دے علاج لئی سارے وسائل مہیا کیتے جان گے: فواد چوہدری

اسلام آباد(پنجابی میڈیا گروپ)وفاقی وزیر برائے اطلاعات و نشریات فواد چوہدری نے آکھیا اے کہ عمر شریف ساڈا اثاثہ نیں، علاج لئی سارے وسائل مہیا کیتے جان گے۔اتوار نوں سماجی رابطے دی ویب سائٹ ٹویٹر اتے اپنے اک بیان وچ فواد چوہدری نے آکھیا کہ معاون خصوصی برائے صحت ڈاکٹر فیصل نے عمر شریف صاحب دی میڈیکل ٹیم دے نال مشاورت کیتی اے ۔ ایس مشاورت دا تسلسل جاری روے گا ۔ میڈیکل ٹیم لئی ایس کمزور صحت دی حالت وچ چیلنج ایہہ اے کہ سفر نوں کیویں ممکن بنایا جاوے۔وفاقی وزیر فوادچودھری نے مزیدآکھیا اے کہ عمر شریف ساڈا اثاثہ نیں، علاج لئی سارے وسائل مہیا کیتے جان گے

اپنا تبصرہ گھلو