کالعدم تحریک لیبک آئین نوں تسلیم کرلوے تے معافی دتی جاسکدی اے:شاہ محمود قریشی

اسلام آباد(پنجابی میڈیا گروپ) وزیر خارجہ شاہ محمود قریشی نے آکھیا اے کہ کالعدم ٹی ٹی پی آئین نوں تسلیم کرلوے تے جرائم وچ ملوث نہ ہون تے معافی دتی جاسکدی اے ۔طالبان حکام نوں تنہا کرن دی کوشش دے نال معاشی تے انارکی پھیلے گی۔ افغانستان توں آن والے افراد لئی کوئی مہاجر کیمپ نہیں بنایا جارہیا۔ برطانوی میڈیا نوں دتے گئے انٹرویو وچ وزیرخارجہ شاہ محمود قریشی نے آکھیا کہ افغانستان توں ملحقہ پاکستانی سرحد اتے کوئی دبائو نہیں اے۔ کیونکہ افغانستان توں کسی نوں نسن دی لوڑ نہیں تے ہن اوتھے امن واستحکام آگیا اے۔ پاکستان ایہناںافراد دے افغانستان توں انخلاء وچ سہولت فراہم کرے گا جہناں دے کول مصدقہ دستاویزات نیں۔ اسیں کئی دہائیاں توں 30 لکھ توں زائد افغان مہاجرین دی میزبانی کر رہے آں پر ہن ساڈی اپنی مجبوریاں نیں،ایس لئی افغانستان توں آن والے افراد لئی کوئی مہاجر کیمپ نہیں بنایا جارہیا۔وزیرخار جہ داآکھنا سی کہ برطانیہ تے ایہدے مغربی اتحادی افغانستان وچ نئی حقیقت نوں تسلیم کرن۔ شاہ محمود قریشی ہوراںنے مزیدآکھیا کہ افغان طالبان ولوں یقین دہانی کروائی گئی اے کہ اوہ افغانستان توں پاکستان دے اندر کسی گروپ نوں ات گردی پھیلان دی اجازت نہیں دین گے۔پاکستان وی ایس حوالے دے نال نظررکھے ہوئے اے۔

اپنا تبصرہ گھلو