پاکستان وچ پٹرول دی قیمت اجے وی دُوجیاں ملکاں توں گھٹ اے:فواد چودھری

اسلام آباد(پنجابی میڈیا گروپ)وفاقی وزیر اطلاعات ونشریات فواد چودھری نے پاکستان وچ پیٹرولیم مصنوعات دی قیمتاں وچ اضافے دے بعد آکھیا ا ے کہ پاکستان وچ تیل دی قیمتاں ہن وی خطے وچ سبھ توں گٹھ نیں ۔اپنے بیان وچ وفاقی وزیر نے آکھیا اے کہ یا تے تن سالاں وچ تیل دے کنوئیں نظر آئوندے۔ ورنہ ظاہر اے جدوں تساں تیل باروں خریدنا اے تے قیمتاں ودھن گئیاں۔ اوہناں نے آکھیا ایہوی اصول باقی درآمدات لئی اے۔ اصل کامیابی یہہ اے کہ 75فیصد آبادی دی آمدنی وچ وی خاطر خواہ اضافہ ہویا۔ اوہناں نے آکھیا اے کہ پاکستان دی قوت خرید ہندوستان توں چنگی اے۔ تنخواہ دار طبقے دی مشکلاں اپنی جگہ پر 60 فیصد آبادی زراعت دے نال وابستہ اے جہناں نوں 1100 ارب روپے اضافی آمدنی ہوئی۔ اوہناں نے دعویٰ کیتا کہ پاکستان وچ تعمیرات اتے انڈسٹری دے نال وابستہ کروڑاں لوکائی دی آمدن وچ وی اضافہ ہویا جدکہ مستری تے مزدور دی دیہاڑی تن گنا وی ودھی۔

اپنا تبصرہ گھلو