عمران خان گھوڑے تے سائیکل اُتے سب توں پہلاں آپ بیٹھن:مریم اورنگزیب
اسلام آباد(پنجابی میڈیا گروپ)پاکستان مسلم لیگ(ن) دی ترجمان مریم اورنگزیب نے عمران خان نوں گھوڑے تے سائیکل اتے سبھ توں پہلاں خود بیٹھنے دا مطالبہ کردیاں ہویاں آکھیا اے کہ ایہہ بیان دے کے لوکائی دی غربت دا مذاق اڑایا گیا۔ لوکائی دے کول روٹی کھان دے پیسے نہیں تے عمران صاحب گھوڑے خریدن دی گلاں کررہے نیں۔ جمعرات دے روز اپنے اک بیان وچ اوہناں نے آکھیا لوکائی دے کول روٹی’ دوائی ‘گیس’ بجلی لین دے پیسے نہیں اوہ گھوڑے تے سائیکل کتھوں خریدن۔ اوہناں نے آکھیا ایس ملک وچ سبھ توں زیادہ خرچہ تہاڈا اے تساں گھر چلے جاو اسیں لوکائی لئی پٹرول ‘آٹا ‘چینی ‘گیس دوائی بجلی سستی کردیاں گے۔ مریم اورنگزیب ہوراں نے مزیدآکھیا اے کہ عمران صاحب تساں استعفیٰ دیوتے گھر نوں جائو۔ ترجمان مسلم لیگ ن نے مزیدآکھیا اے کہ گھوڑے، گدھے، بھینسیں، کٹے، مرغیاں، انڈیاں دے سوا ہورکجھ عمران صاحب دے دماغ وچ کجھ نہیں آئوندا۔





















