وزیراں دیاں چیخاں دس ر ہیاں نیں کہ اوہناں دے خلاف فیصلہ آن والا اے:احسن اقبال
اسلام آباد(پنجابی میڈیا گروپ)رکن قومی اسمبلی تے مسلم لیگ (ن) دے سینئر رہنما احسن اقبال نے آکھیا اے کہ اج کل وزراء دی چیخاں سنائی دے رہیا ںنیں۔ جہدے نال تہ چل رہیا اے کہ الیکشن کمیشن وچ ایہناں دے خلاف کیسز اتے کیہ فیصلہ آن والا اے۔وزیر اعظم عمران خان نے چیف الیکشن کمشنر داناں خود تجویز کیتا سی تے ہن اپنے ای تجویز کردہ الیکشن کمشنر دے خلاف پراپیگنڈا تے الزامات دی بوچھاڑ کررہے نیں ۔ ایہناں خیالات دااظہار اوہناں نے احتساب عدالت دے بار میڈیا دے نال گل بات کردیاں ہویاں کیتا۔ احسن اقبال نے آکھیا اے کہ اج فیر نارروال سپورٹس سٹی دے مقدمے وچ نیب کورٹ پیش ہویا کل قومی اسمبلی وچ وی نارووال سپورٹس سٹی دا مسئلہ چکیا 90 فیصد پراجیکٹ مکمل سی پر ایس نوں انتقام دا نشانہ بنایاگیا،اگر نارووال سپورٹس سٹی نوں مکمل ہون دتا جاندا تے کھلاڑی ٹریننگ کرکے میڈل لے آئوندے۔ احسن اقبال ہورا ںنے مزیدآکھیا اے کہ کھیلاں دے میدان ویران ہورہے نیں۔ عالمی سطح اتے پاکستان نوں بدنام کیتا جارہیا اے۔ ساڈی جگ ہنسائی ہو رہی اے۔





















