نوازشریف ویکسین معاملہ’ایم ایس اے معطل
لہور(پنجابی میڈیا گروپ)نوازشریف دے ناں توں ویکسین دی جعلی انٹری دے معاملے دی چھان بین کرن والی ٹیم نے رپورٹ تیار کرکے وزیراعلیٰ پنجاب عثمان بزدار نوںارسال کردتی اے۔ انکوائری کمیٹی نے 7افراد نوں غلط اندراج اتے ذمہ دار قرار دے دتا اے۔ رپورٹ وچ دسیا گیا اے کہ ویکسی نیشن سنٹر وچ تعینات عملہ غیر تربیت یافتہ سی۔ کوٹ خواجہ سعید اسپتال دے ویکسی نیشن سینٹر توں متعدد اندراج دے کینسل کیے جان داانکشاف وی ہویا اے۔ واقعے وچ زیادہ غفلت ایم ایس دی سی۔ ریکارڈ چیکنگ دے دوران تضادات پائے گئے۔ ایم ایس ‘سینئرافسر، کلرک، نرس، وارڈ بوائے، چوکیدار تے پی اے دے خلاف کارروائی کی سفارش کیتی گئی اے۔وزیراعلیٰ نوں بھیجی گئی رپورٹ وچ آکھیا گیااے کہ معاملے اتے مزید چھان بین ایف آئی اے کرے گا۔ کوٹ خواجہ سعید اسپتال دے ایم ایس نوں وی معطل کردتا گیا اے۔
Load/Hide Comments





















