رت ول پئی
شعیب انجم تھہیم
رت چیت بہار دی ول پئی اے
وت چڑیاں چہکن لگ پئیاں ہِن میڈے شہر دے
جنگل چاہڑیاں وی
خوشبو نال مہکن لگ پئیاں ہِن
میڈے چشمے
گیت محبتاں دے
چاہواں نال گاون لگ پئے ہن
تیکوں یار بلاون لگ پئے ہن
توں وی ول آ
چیت دی رت وانگوں
دو پیار دے بول الا بہوویئے
دوری دا کڑما پدھ کپ کے
جھٹ دکھ تے درد ونڈا بہووئیے
متاں ایہ گھڑیاں
وت نہ آون
ہو سکدائے انجم نہ آون
ہک وار سجن توں آویں آ
ہک وار سجن توں آویں آ
