مہنگائی عارضی اے،چھیتی قابو کرلاں گے’ عمران خان

اسلام آباد(پنجابی میڈیا گروپ ) وزیراعظم عمران خان نے آکھیا اے کہ مہنگائی عارضی،گھبرانا نہیں ، جلد کمی آوے گی۔پاک چین اقتصادی راہداری (سی پیک) اتے کم دی رفتار تیز ہون دے نال اشیائے خورونوش دی قیمتاں وچ جلد کمی ہووے گی۔کورونا وبا دی وجہ توں پاک چین اقتصادی راہداری (سی پیک) منصوبیاں نوںمشکلاں دا ساہمنا اے۔ وزیراعظم عمران خان نے سندھ دے شہر مٹیاری توں لہور تیک 886 کلومیٹر طویل 600 کے وی دی بجلی دی نئی ٹرانسمیشن لائن دی افتتاحی تقریب دے نال خطاب کردیاں ہویاںآکھیااے کہ ایہدے وچ لائن لاسز تقریبا 4 فیصد نیں، جد کہ ایس توں پہلاں لائن لاسز 17 فیصد سن، اک فیصد لائن لاسز دے نال ملک نوں کئی ارب روپے دا نقصان ہوندا اے ۔ وزیراعظم نے آکھیا کہ ساڈی بجلی دی ترسیلی لائنز بوہت پرانی ہوچکیاں نیں جہدی وجہ توں لائن لاسز زیادہ نیں، خاص طور تے پشاور الیکٹرک سپلائی کمپنی (پیسکو) دے لائن لاسز بوہت زیادہنیں۔وزیراعظم عمران خان نے تقریب دے نال خطاب کردیاں ہویاں آکھیا اے کہ سی پیک دا آغاز بجلی دی پیداوار توں ہویا ۔اوہناں نے آکھیا مہنگائی دی عارضی مشکل جہدا سیں ساہمنا کررہے آں اوہ وی تھلے آجاوے گی۔

اپنا تبصرہ گھلو