سلیکیٹڈ سرکار نے معیشت دا بیڑہ غرق کر دتا اے،مریم نواز
مانانوالہ(پنجابی میڈیا گروپ)پاکستان مسلم لیگ ن دی نائب صدر مریم نواز نے آکھیا اے کہ آئے روز پٹرولیم مصنوعات تے بجلی دی قیمتاں وچ ہوشربا اضافہ کرکے تبدیلی سرکارنے عوام دی کمرپن دتی اے۔ ن لیگ رہنمائواں اتے آئے روز بے بنیادالزامات توں نااہل سرکار دی جگ ہسائی ہو رہی اے۔ برطانیہ وچ میاں شہبازشریف فیملی نوں سرزخرو ہون اتے پری قوم مبارکباد پیش کردی اے۔ نیب دی طرفوں دتی گئی برطانوی ایجنسی نوں درخواست جھوٹھ دا پلندہ ثابت ہوئی اے۔ ن لیگی کارکن الیکشن دی تیاری کرن۔ ایہناں خیالات دا اظہار پاکستان مسلم لیگ ن دی نائب صدر مریم نواز نے پچھلے وفاقی وزیر و مسلم لیگ ن دے مرکزی نائب صدر چوہدری محمد برجیس طاہر ایم این اے ن دی قیادت وچ ملن والے وفد ممبر صوبائی اسمبلی ن میاں اعجاز حسین بھٹی تے ن لیگی رہنما عاصم رندھاوا۔ظفر میراں قادری۔میاں منور حسین تے میاں محمد رمضان دے نال گل بات کردیاں ہویاں کیتا۔ اوہناں نے آکھیا کہ معاشی ترقی دا راگ الاپن والی سلیکیٹڈ سرکار نے ملکی معیشت دا بیڑہ غرق کر دتااے۔





















