ادبی و ثقافتی تنطیم وِدجدان دے پربندھ ہیٹھ

اوور سیز پاکستانیاں دے اعزاز وچ تقریب

رپورٹ: حافظ ممتاز ملک

ادبی و ثقافتی تنظیم و جدان ولوں بارسلونا سپین وچ مقیم معروف بزنس مین، سماجی کارکن تے اوورسیز کمیونٹی دے متحرک رکن چوہدری سلیم لنگڑیال تے عقیل چوہدری دے اعزاز وچ فلیٹیز ہوٹل وچ اک تقریب دا اہتمام کیتا گیا جس وچ ڈاکٹر عمر عادل، بابر ڈوگر، اجمل جامی، کیپٹن لیاقت ملک، ندیم چوہدری سمیت زندگی دے وکھو وکھ پکھاں نال تعلق رکھن والی شخصیات نے رلت کیتی۔
ڈاکٹر صغرا صدف نے مہماناں نوں خوش آمدید کہیا تے پھُلاں دے گلدستے پیش کیتے۔ اوہناں نے کہیا کہ چوہدری سلیم لنگڑیال پاکستان دے اوہ سفیر نیں جیہڑے پاکستان دی ثقافت نوں اجاگر کرن لئی کم کر رہے نیں۔ اوہناں نے بوہت سارے فلاحی کم وی شروع کر رکھے نیں۔ پاکستان نال ایہناں دی محبت دا ایہہ عالم اے کہ ایہہ سال وچ چار پنج وار پاکستان آندے نیں۔ ایس تقریب وچ معروف گلوکار استاد حامد علی خان، عارف لوہار، سائرہ طاہر تے شبانہ عباس نے اپنی خوبصورت اواز وچ گیت تے صوفیانہ کلام سنایا جس نال تقریب دی رونق دوبالا ہو گئی۔