رونالڈو سب توں زیادہ کمان والے فٹبالر بن گئے

پرتگالی سٹار ایس سال 125 ملین ڈالرز (تقریباً 21 ارب روپئے) کمان گے

محمد علی

پرتگالی سٹار تے مانچسٹر یونائیٹڈ دے سٹرائیکر کرسٹیانو رونالڈو نے سب توں زیادہ کمان والے فٹبال کھلاڑیاں دی لسٹ وچ لیونل میسی نوں پچھے چھڈ دے ہوئے پہلی پوزیشن حاصل کر لئی۔ 36 سالہ رونالڈو اگست وچ یووینٹس توں 12 سالہ رفاقت ختم کرن دے بعد دوبارہ مانچسٹر یونائیٹڈ دا حصہ بن گئے سن۔ ایس توں پہلاں میسی اپنے لڑکپن دے کلب بارسلونا نوں تبدیل کردے ہوئے پیرس سینٹ جرمین وچ شامل ہو گئے سن۔ فوربز نے کہیا کہ رونالڈو، جیہڑا دنیا دے سب توں مقبول ایتھلیٹ نیں تے جنہاں دے فیس بک، انسٹا گرام تے ٹوئٹر اُتے 50 کروڑ توں ودھ فالوورز نیں۔ 2021-23 وچ ٹیکسز توں پہلاں 12 کروڑ 50 لکھ ڈالرز (21 ارب روپئے دے لگ بھگ) کمان گے۔جنہاں وچوں 7 کروڑ مانچسٹر یونائیٹڈ توں تنخواہ تے بونس دی مد وچ ملن گے۔ دیگر کمائی نائکے، ہربالائف، کلیئر جہے برانڈز دی توثیق تے پارٹنر شپ تے اپنے برانڈ سی آر 7 توں حاصل ہوئے گی۔
رواں سیزن وچ مجموعی طور اُتے 11 کروڑ ڈالرز کمان گے جس وچوں تنخواہ دی مد وچ ساڑھے 7 کروڑ تے ساڑھے 3 کروڑ مختلف برانڈز توں حاصل ہون گے۔ کلب وچ میسی دے سٹرائیک پارٹنر نیمار، جنہاں نے مئی وچ 2025 تیکر لئی معاہدہ کیتا سی۔ ساڑھے 9 کروڑ ڈالر دی آمدنی دے نال ایس لسٹ وچ تیجے نمبر اُتے نیں۔ پیرس سینٹ جرمین دے اک ہور کھلاڑی کائلیان ماپے 4 کروڑ 30 لکھ ڈالر دے نال چوتھے تے لیور پول دے فارورڈ محمد صلاح 4 کروڑ 10 لکھ ڈالر دے نال فوربز دی لسٹ وچ پنجویں نمبر اُتے نیں۔ فٹبال وچ سب توں زیادہ کمان والے 10 کھلاڑی ایہہ نیں۔ کرسٹیانو رونالڈو 12 کروڑ 50 لکھ ڈالر، لیونل میسی 11 کروڑ ڈالر، نیمار 9 کروڑ 50 لکھ ڈالر، کامکیان ماپے 4 کروڑ 30 لکھ ڈالر، محمد صلاح روڑ 10 لکھ ڈالر، رابرٹ لیوانڈوسکی 3 کروڑ 10 لکھ ڈالر، آندرے انیسٹا کروڑ 50 لکھ ڈالر، پال پوگبا 3 کروڑ 40 لکھ ڈالر، گاریتھ بالے 3 کروڑ 20 لکھ ڈالر تے ایڈن بازارڈ 2 کروڑ 90 لکھ ڈالرز۔ ارجنٹائن دے سٹار فٹبالر لیونل میسی دے بعد پرتگال دے اسٹار کرسٹیانو رونالڈو نے وی کلھ یوونٹس نوں چھڈ دتا سی تے 12 سال بعد دوبارہ اپنے سابقہ کلب مانچسٹر یونائیٹڈ نوں جوائن کر لیا اے۔ پرتگالی سٹار نے 9 سال سپینش جائنٹس ریال میڈرڈ دے نال لنگھائے۔ ایس دوران 4یوئیفا چیمپئنز لیگ ٹائٹل وی جتن دا اعزاز حاصل کیتا۔
یاد رہوے کہ پنج وار چیمپئنز لیگ جتن دا اعزاز جتن والے رونالڈو نے پہلی وار مانچسٹر یونائیٹڈ لئی کھیڈدے ہوئے پہلی وار چیمپنئز لیگ جتی سی۔ 2003ء توں 2009 دے وچکار کلب دی نمائندگی کردے ہوئے پرتگالی اسٹار نے بہترین کھیڈ پیش کردے ہوئے 292 میچاں وچ 119 گول اسکور کیتے سن تے تن پریمیئر لیگ ٹائٹل کلب نوں جتوان وچ اہم کردار ادا کیتا سی۔ ایس توں پہلاں رونالڈو دے یوونٹس توں مانچسٹر سٹی جان دی خبراں زیر گردش سن پر پچھلے 24 گھنٹیاں دے دوران ڈرامائی تبدیلی دے نتیجے وچ رونالڈو دا دوبارہ مانچسٹر یونائیٹڈ نال معاہدہ ہو گیا اے۔ کرسٹیانو رونالڈو 2009 وچ انگلشن کلب مانچسٹر یونائیٹڈ نوں چھڈ کے ریال میڈرڈ دا حصہ بنے سن تے ایس ویلے دنیا دے سب توں مہنگے کھلاڑی قرار پائے سن۔ 36 سالہ رونالڈو نے اسپین وچ 9سال قیام دے دوران ریال میڈرڈ لئی 15 ٹرافیاں جتیاں جس وچ 4 وار چیمپئنز لیگ جتنا وی شامل اے۔ پنج وار بیلن ڈی تے جتن والے رونالڈو نے ریال میڈرڈ لئی کھیڈدے ہوئے کلب لئی سب توں زیادہ گول اسکور کرن دا عظیم فٹبالر رال دا ریکارڈ توڑیا تے 438 میچاں وچ 451 گول اسکور کیتے سن۔ 2018ء وچ رونالڈو نے میڈرڈ نال 9 سالہ رفاقت دا خاتمہ کردے ہوئے یوونٹس نوں جوائن کر لیا سی تے ایہناں دا کلب نال 4 سال لئی 100 ملین ڈالر دا معاہدہ ہویا سی۔