جیل دے127ورھے پرانے قنون نوں تبدیل کیتا جائے گا:وزیراعلی عثمان بزدار

لہور(پنجابی میڈیا گروپ)وزیراعلی عثمان بزدار نے آکھیا اے کہ جیل دے 127 سالہ پرانے قانون نوں تبدیل کیتا جاوے گا۔ قیدی قابل نفرت نہیں ہوندے ایہناں دا جرم قابل نفرت اے۔وزیراعلی پنجاب عثمان بزدار نے لہور کوٹ لکھپت جیل وچ تقریب دے نال خطاب کردیاں ہویاں آکھیا اے کہ جیل قوانین نوں تبدیل کرن دا فیصلہ کیتا اے۔ قیدی غیر انسانی حالات وچ رہن تے مجبور نیں۔ نفرت قیدیاں دے نال نہیں ایہناں دے جرم دے نال کرنی چاہیدی اے۔ عثمان بزدار نے جیلاں لئی 8.5 ارب روپے دے پیکیج دا اعلان کردیاں ہویاں آکھیااے کہ قیدیاں لئی سبھ توں وڈا مسئلہ کنٹین دا ہوندا اے ہر جیل کی کینٹین وچ معیاری اشیا دی فراہمی نوں یقینی بنایا جاوے گا۔

اپنا تبصرہ گھلو