سرکار دا بے نظیر انکم سپورٹ دی تھاں احساس کفالت پروگرام لیان دا فیصلہ

اسلام آباد: سرکار نے بے نظیر انکم سپورٹ پروگرام دی تھاں احساس کفالت پروگرام لیان دا فیصلہ کیتا اے جہدا افتتاح 31جنوری نوں کیتا جاوے گا۔

جد کہ احساس کفالت کارڈ تے بے نظیر بھٹو دی تصویر دی تھاں قائداعظم دی تصویر ہووے گی۔ ڈاکٹر ثانیہ نشتر دے مطابق احساس کفالت پروگرام دے تحت ہر مہینے دے پہلے ہفتے وچ مستحقین نوں 2ہزار روپے جاری کیتے جان گے جد کہ احساس کفالت پروگرام وچ 70لکھ مستحقین نوں شامل کرن دا ہدف اے۔

ثانیہ نشتر آکھیا بی آئی ایس پی دے 50لکھ دے قریب مستحقین نوں ایس پروگرام وچ شامل کیتا گیا اے جد کہ ایس ویلے 70ضلعیاں دے 10لکھ مستحقین پروگرام وچ شامل ہو چکے نیں۔