جشنِ عید میلاد النبی ﷺ
حفیظ تائب
منائیے جشن میلاد النبی ﷺ دا
تے کرئیے آہر مالک دی خوشی دا
بنیرے، بنے سب چمکاندے جائیے
جتن کر کے دلاں دی روشنی دا
بہاراں جس دے قدماں وچوں پھُٹیاں
سدا تازہ اے دین اُس ہاشمی دا
درود اُس نوں نہ کیوں دن رات گھلیے
چلن جس نے سکھایا زندگی دا
نمانا نئیں میں دُکھاں درداں وچ وی
مرا آقا ﷺ اے دردی ہر دُکھی دا
کسے ہور اگے کیوں جھولی کھلاراں
میں مانگت ہاں محمد ﷺ دی گلی دا
مری پونجی اے تائب نعت اوہدی
سبب بن دی اے ایہو حاضری دا
