قرضے اتارن لئی ریاستی اداریاں دے حصص ویچن دی منظوری

اسلام آباد: نجکاری کمیشن بورڈ نے 2پاور پلانٹس دی نیلامی وچ حصہ لین لئی 12فرماں نوں پری کوالیفائیڈ کر لیا تے او جی ڈی سی تے پی پی ایل دے حصص دی فروخت لئی مالیاتی مشیر دی خدمات حاصل کرن دی منظوری وی دے دتی۔

نجکاری بورڈ خسارے وچ چلن والی سرکاری ملکیتی 27جائیداداں دی کھلی نیلامی دے راہیں فروخت کرن دی وی منظوری دتی تے ایہناں سارے اثاثیاں لئی 6.7ارب روپے دی محفوظ قیمت وی مقرر کر دتی، مالیاتی مشیراں نے صرف اک جائیداد دی قیمت دا تخمینہ پنج ارب روپے لایا اے جد کہ باقی 26اثاثیاں دی مالیت 1.7ارب روپے دسی گئی اے۔

پاور پلانٹس دی نیلامی تے دو کمپنیاں دے حصص دی فروخت نال 4کھرب دے لگ بھگ رقم حاصل ہووے گی جہدے نال بجٹ خسارہ پورا کرن وچ مدد لئی جاوے گی۔ وزیراعظم عمران خان ایہ سارے اثاثے عوامی قرضیاں دی ادائیگی وچ استعمال کرنا چاہندے نیں جہناں وچ 14ارب روپے یومیہ دی شرح نال وادھا ہو رہیا اے۔