عاطف خان سنے دوجے وزیراں دی کابینہ وچ واپسی وزیراعظم دی اجازت نال مشروط
پشاور: خیبر پختونخوا دے وزیر اطلاعات شوکت یوسفزئی دا کہنا اے برطرف وزیراں دی واپسی وزیراعظم دی اجازت نال مشروط اے۔
جماعت اسلامی دے زیر اہتمام آل پارٹیز کانفرنس تے میڈیا نال گل کردیاں صوبائی وزیر اطلاعات شوکت یوسفزئی آکھیا خیبر پختونخوا دے برطرف وزیراں دے رویے نوں ویکھیا جا رہیا اے کہ اوہناں دا ردعمل کیسا اے پر وزیراں دی واپسی دا فیصلہ وزیراعظم کرن گے اک ورھے توں اسیں معاملے نوں سلجھان دی کوشش کیتی پر جدوں معاملہ میڈیا تے آیا تے وزیراعظم نوں سخت فیصلہ کرنا پیا۔ شوکت یوسفزئی آکھیا جدوں میں پچھلے دور حکومت وچ وزارت چھڈی تے چپ رہیا تے میں پارٹی ڈسپلن دا خیال رکھیا ایس واری وی برطرف وزیراں دے رویے نوں ویکھیا جا رہیا اے تے اوہناں دی واپسی دا فیصلہ وزیراعظم کرن گے۔
اوہناں آکھیا اختلاف دا معاملہ اک ورھے توں چل رہیا سی پر معاملے نوں مصالحت نال حل کرن دی کوشش کیتی جا رہی سی۔
