کالعدم تنظیم دا لانگ مارچ ، اسلام آباد تے راولپنڈی وچ سکیورٹی ہائی الرٹ

اسلام آباد (پنجابی میڈیا گروپ)کالعدم تنظیم دے راولپنڈی وچ متوقع لانگ مارچ دے پیش نظر وفاقی دارالحکومت اسلام آباد تے جڑواں شہر راولپنڈی وچ سکیورٹی ہائی الرٹ رہی ،متعدد رستے کنٹینراں دے نال بند کر دتے گئے، میٹرو سروس وی معطل رہی ، اسلام آباد وچ پلیس نے ٹریفک پلان وی جاری کر دتا اے۔جمعہ نوں راولپنڈی وچ انتظامیہ دے مطابق میٹرو بس سروس جزوی طورتے بند رہی۔ صدر توں فیض آباد میٹروسروس بند رہی تاہم آئی جے پی روڈ تو ںسیکرٹریٹ تیک میٹرو بس چلان دا فیصلہ کیتا گیا۔ ایہدے علاوہ اندرون شہر راولپنڈی دے بیشتر رستے بند کر دتے گئے نیں، سکستھ روڈ اتے کنٹینرز لگا کے فیض آباد دے پاسے جان والا رستہ بند کر دتا گیا اے، فیض آباد اوجڑی کیمپ دی روڈ نوں بند کرکے سیل کر دتا گیا ۔جہدے سبب عوام نوں مشکلاں دا ساہمنا کرنا پیا۔

اپنا تبصرہ گھلو