ایس ملک وچ سبھ نوں مذہبی آزادی حاصل اے، چیف جسٹس آف پاکستان

حیدرآباد(پنجابی میڈیا گروپ) چیف جسٹس آف پاکستان جسٹس گلزار احمد نے آکھیا اے کہ ایس ملک وچ سبھ نوں مذہبی آزادی حاصل اے۔میڈیا دی خبراں دے مطابق چیف جسٹس آف پاکستان جسٹس گلزار احمد اک روزہ دورے اتے حیدرآباد آپڑ گئے جتھے اوہناںنے سرکٹ ہاس دے شیو مندر وچ جاری سالانہ میلے دی تقریب وچ خصوصی شرکت کیتی۔ چیف جسٹس گلزار احمد دے ہمراہ ایہنا ںدی اہلیہ وی موجود سن۔چیف جسٹس آف پاکستان دی آمد دے موقع اتے سکیورٹی دے سخت انتظامات کیتے گئے جدکہ میلے وچ آپڑن اتے ایہناں دا شاندار استقبال تے آتشباز ی وی کیتی گئی۔ چیف جسٹس دے ہمراہ پاکستان ہندو کونسل دے چیئرمین رمیش واکوانی وی موجود سن۔ پاکستان ہندو کونسل دے چیئرمین رمیش واکوانی نے چیف جسٹس گلزار احمد نوں شال دا تحفہ، تھر کی رلی تے لنگھی وی پیش کیتی گئی۔چیئرمین پاکستان ہندو کونسل رمیش کمار واکوانی نے خطبہ استقبالیہ پیش کیتا تے آکھیا چیف جسٹس دی آمداتے ایہناں دا مشکور واں ایہناں دااہلخانہ دے ہمراہ ایتھے آنا ہندوبرادری لئی اک اعزاز اے۔ چیف جسٹس جسٹس گلزار احمد نے نوارتری میلے دی تقریب دے نال خطاب کردیاں ہویاں آکھیا اے کہ ہندوبرادری نوں میلے دی مبارکباد پیش کرناں واں تے رمیش کمارنے جہناں مسائل دی نشاندہی کیتی ایہناں حل کروان دی کوشش کراں گا۔ اوہناں نے آکھیا اے کہ آئین نے ہر قسم دے مذہب دے ل وکائی نوں جہڑااختیار دتا اے ایہدی پاسداری کردے رواں گے۔ایس ملک وچ سبھ نوں مذہبی آزادی حاصل اے۔

اپنا تبصرہ گھلو