صوابی وچ انسداد پولیو ٹیم تے فائرنگ، لیڈی ہیلتھ ورکر جاں بحق

پشاور: صوابی وچ انسداد پولیو ٹیم تے نامعلوم بندیاں دی فائرنگ دے نتیجے وچ لیڈی ہیلتھ ورکر جاں بحق ہو گئی۔ پلس دے مطابق 5روزہ انسداد پولیو مہم دے پہلے دیہاڑ صو ابی دے علاقے پرمولی میر علی وچ لیڈی ہیلتھ ورکرز بالاں نوں پولیس توں بچاؤ دے قطرے پیا رہی سن کہ نامعلوم موٹرسائیکل سواراں نے پولیو ٹیم تے فائرنگ کر دتی۔

نامعلوم موٹرسائیکل سواراں دی فائرنگ نال لیڈی ہیلتھ ورکر شکیلہ موقع تے ای جاں بحق ہو گئی جد کہ غنچہ نامی لیڈی ہیلتھ ورکر زخمی ہو گئی جہنوں فوری طبی امداد دے بعد پشاور دے ہسپتال گھل دتا گیا۔ پلس دے مطابق سکیورٹی تے موجود 2پلس اہلکاراں توں تحقیقات کیتی جا رہی کہ اوہناں نے جوابی کاروائی کیوں نہیں کیتی۔دوجے پاسے ڈپٹی کمشنر شاہد محمود دا کہنا اے ضلع وچ انسداد پولیو مہم بدستور جاری اے۔