اخلاقیات دے مضمون نوں نصاب تعلیم دا حصہ بنان دا فیصلہ

کراچی: محکمہ تعلیم سندھ نے پرائمری کلاساں وچ اخلاقیات دے مضمون نوں نصاب دا حصہ بنان دا فیصلہ کر لیا۔

اخلاقیات دے مضمون نصاب وچ شامل کرن دا مقصد بالاں دے آداب بہتر کرنا اے، محکمہ تعلیم سندھ دے جاری کیتے اعلامیے دے مطابق ہن تیجی تے چوتھی کلاس وچ اخلاقیات دا مضمون پڑھایا جاوے گا جد کہ اخلاقیات دے مضمون نوں پرائمری کلاساں دے نصاب دا حصہ بنان دا وی فیصلہ کیتا گیا اے۔

محکمہ تعلیم دے افسران دے مطابق مضمون پڑھان نال بالاں وچ ٹریفک قوانین، گھر، کلاس روم دی صفائی دا خیال رکھنا، کھانا کھان تے گل بات کرن دے آداب وی بہتر ہون گے جد کہ دنیا دے ترقی یافتہ ملکاں وچ نکے بالاں نوں اخلاقیات سکولاں توں ای سکھائی جاندی اے۔