نوازشریف نوں اگلے ہفتے ہسپتال داخل کرایا جاوے گا: ڈاکٹر عدنان

لندن: نوازشریف دے ذاتی معالج ڈاکٹر عدنان نے دسیا اے سابق وزیراعظم دا معائنہ مکمل کر لیا گیا اے، اوہناں نوں اگلے ہفتے علاج لئی ہسپتال داخل کرا دتا جاوے گا۔

ڈاکٹر عدنان دا لندن وچ میڈیا نال گل کردیاں کہنا سی نوازشریف دے دل دی شریان وچ پیچیدہ بیماری اے جہدا علاج کیتا جاوے گا۔

این ایچ ایس دے ہسپتال وچ نوازشریف دی کارڈیک کیتھیٹرائزیشن انٹروینشن کیتی جاوے گی۔ خیال رہوے ایس توں پہلاں پچھلے دناں ڈاکٹر عدنان نے دسیا سی میاں نوازشریف اگلے کجھ دناں وچ ہسپتال داخل ہو جان گے جتھے اوہناں دے دل دا علاج کیتا جاوے گا۔