بگانیاں دے وانگ

بھپندرپنیوالیا

سُندا نہ جدوں گل ساڈے دِل دی
تیرے کولوں سجری ہے پیڑ سانوں مِلدی
سڑ بل جاندے اسیں پروانیاں دے وانگ
وے توں نِت آکے مُڑ جیں بِگانیاں دے وانگ
تیری چُپ ساڈے سینے سل کردی
تیرے وانجھوں ساڈا دس کون دردی
ساڈے لئی توں پیارے افسانیاں دے وانگ
وے توں نِت آکے مُڑ جیں بِگانیاں دے وانگ
تیرے وانجھوں کون سُنوں ساڈے گیتاں نوں
کیہدے سنگ مانانگے مُحبتاں پریتاں نوں
ہاڑا بدل نہ جائیں توں بہانیاں دے وانگ
وے توں نِت آکے مُڑ جیں بِگانیاں دے وانگ
تیرے ٰتے اُمیداں اسیں لکھ رکھیاں
ساڈا دسدے قصور کاہتوں پھیریں اکھیاں
سانوں رول نہ توں چنا ککھاں کانیاں دے وانگ
وے توں نِت آکے مُڑ جیں بِگانیاں دے وانگ
تیرے غم ٰچ اخیر اسیں جانا مُک وے
انبراں ٰچ دُور تاریاں ٰچ جانا لُک وے
پھِریں لبھدا پھیر توں بہانیاں دے وانگ
وے توں نِت آکے مُڑ جیں بِگانیاں دے وانگ