شمالی وزیرستان وچ آپریشن دے دوران 5دہشت گرد ہلاک، پاک فوج دے 2جوان شہید
راولپنڈی: دتہ خیل وچ فائرنگ دے تبادلے وچ 5دہشت گرد ہلاک جد کہ پاک فوج دے 2جوان وی شہید ہو گئے۔
پاک فوج دے شعبہ تعلقات عامہ آئی ایس پی آر دے مطابق شمالی وزرستان دی تحصیل دتہ خیل وچ سکیورٹی فورسز نے آپریشن کیتا۔ انٹیلی جنس معلومات پاروں دہشت گرداں دے ٹھکانے تے ایہ کاروائی کیتی گئی۔
ایس دوران فائرنگ دے تبادلے وچ 5دہشت گرد ہلاک جد کہ دو جوان شہید ہو گئے۔
شہید جواناں وچ سپاہی محمد شمیم تے سپاہی اسد خان شامل نیں۔
