ڈینگی ساڈے لئی بوہت وڈا چیلنج اے: یاسمین راشد
لہور(پنجابی میڈیا گروپ)ڈاکٹر یاسمین راشد نے آکھیا اے کہ ڈینگی ساڈے لئی بوہت وڈا چیلنج اے، تدارک لئی اسپرے تے دیگر اقدامات کررہے نیں، امید اے موسم سرد ہوندیاں ای ختم ہو جاوے گا۔وزیر صحت ڈاکٹر یاسمین راشد نے میڈیا دے نال گل بات کردیاں ہویاں آکھیا اے کہ دوجی واری ڈینگی توں متاثر ہون اتے مرض د ی شدت وچ اضافہ ہو جاندا اے۔ اوہناں نے مزیدآکھیا اے کہ خواجہ سلمان رفیق نے تے شاید ڈینگی اتے پی ایچ ڈی کر رکھی اے جیویں اوہ تجاویز دے رہے نیں، کورونا صورتحال وچ بہتری اتے خواجہ سلمان رفیق نے کدی اپنا موقف نہیں دتا، وزیرصحت یاسمین راشد ہوراں دامزیدآکھنا سی کہ پیر دے روز توں کورونا ویکسی نیشن لگان لئی ریچ ایوری ڈور مہم شروع کیتی، 4 دناں وچ مہم دے تحت 25 لکھ افراد دی ویکسی نیشن کیتی جاچکی اے۔
Load/Hide Comments





















