کورونا پاروں ہور11افرادانتقال کرگئے
اسلام آباد (پنجابی میڈیا گروپ) ملک بھر وچ مہلک وباء کورونا پاروں مزید 11 افراد انتقال کر گے۔ملک وچ کورونا کیسز دی مجموعی تعداد 12 لکھ 73 ہزار78ہوگئی۔نیشنل کمانڈ اینڈ آپریشن سینٹر دے مطابق پچھلے روز ملک بھر وچ کورونا دی تشخیص لئی 48 ہزار 192 ٹیسٹ کیتے گئے، جہناںوچوں 733 مثبت رہے، ایس طرحاں ملک وچ کورونا مثبت کیسز دی شرح 1.52 فیصد رہی جدکہ پچھلے روز ایہہ شرح 1.44 فیصد سی۔سرکاری اعداد و شمار دے مطابق ہن تیک ملک وچ 12 لکھ 73 ہزار 78 افراد کورونا دا شکار ہوچکے نیں جہناںوچوں 12 لکھ 21 ہزار 535 صحت یاب ہوچکے نیں۔ملک وچ پچھلے روز کورونا دے 11 مصدقہ مریض زندگی دی بازی ہار گئے، ایس طرحاں ایس وبا توں ہن تیک 28 ہزار 449 اموات دی تصدیق کیتی گئی اے۔
Load/Hide Comments





















