ریاست مدینہ لئی سرگرم عثمان بزدار
صحت مند زندگی، بیماریاں توں پاک معاشرہ لئی وزیراعلیٰ سردار عثمان بزدار نے صوبہ پنجاب
نوں کرونا توں پاک کرن دا پکا ارادہ کیتا اے تاکہ ہر شہری ایس وبا دے حملے توں محفوظ رہ سکے
فیصل ادریس بٹ
وزیراعظم عمران خان نے کالعدم تنظیم نال وفاقی وزراء دے ناکام مذاکرات دی ناکامی دے بعد بیس علمائے دین دی خدمات حاصل کر لئیاں نیں تاکہ حکومت تے کالعدم تنظیم وچ اوہ مصالحت کران وچ اہم کردار ادا کرن۔ عمران خان ایہہ کم جے سردار عثمان بزدار نوں دے دتے تے میرے خیال وچ اوہ مذاکرات دے ذریعے کالعدم تنظیم دے دھرنے مارچ ختم کروان وچ کامیاب ہو جاندے۔ مذاکرات مصالحت لئی عاجز ہونا بوہت ضروری اے تے مصلحت پسند ہونا شرط اے۔ انج دی خصوصیات سردار عثمان بزدار وچ واضح طور تے موجود نیں۔ سردار عثمان بزدار اخلاقی روایات تے تحمل اُتے یقین رکھن والے عاجز انسان نیں جس دی وجہ نال ایہناں دے خلاف طرح طرح دیاں گلاں گھڑیاں جاندیاں نیں۔ اوہناں نے امن و امان دی وگڑدی صورتحال اُتے اپنی فیملی دے نال عمرے دی ادائیگی دا پروگرام منسوخ کر دتا اے۔ عثمان بزدار دا سمجھنا اے کہ حقوق اللہ ادا کر کے ذاتی ثواب حاصل کیتا جا سکدا اے جد کہ انسانیت دی خدمت کر کے حقوق العباد دے ذریعے انسانیت دی خدمت کیتی جا سکدی اے۔ مدینہ دی ریاست وچ حقوق العباد لئی خدمات نوں سر فہرست رکھیا جاندا سی۔ سردار عثمان بزدار نے پنجاب نوں مکمل طور تے کرونا توں پاک کرن لئی ہنگامی بنیاداں اُتے ریڈویکسی نیشن مہم دے مشن دا آغاز کر دتا۔ ایس مہم دا مطلب اے بیروزگاری تے لاک ڈائونز توں بچائو ل لئی خود نوں ویکسینیٹ کرانا اوہ کرونا وائرس توں بچائو لئی عوامی شعور دی بیداری محکمہ اطلاعات و نثقافت پنجاب نوں اہم کردار تے ذمہ داریاں دے دتیاں گئیاں نیں۔
سیکرٹری اطلاعات پنجاب راجہ جہانگیر وزیراعلیٰ سردار عثمان بزدار دے شانہ بشانہ نیں۔ کرونا وبا ہجے ختم نہیں ہوئی پر احتیاطی طور تے ہر لمحہ ایس توں باخبر رہ کے اپنے آپ نوں بچانا ہوئے گا۔ صحت مند زندگی، بیماریاں توں پاک معاشرہ لئی وزیراعلیٰ سردار عثمان بزدار نے صوبہ پنجاب نوں کرونا توں پاک کرن دا مصمم ارادہ کیتا اے تاکہ ہر شہری ایس وبا دے حملے توں محفوظ رہ سکے۔ایس سلسلے وچ وزیراعلیٰ نے صوبہ بھر وچ ہدایات جاری کر دتیاں نیں جس دے مطابق حکومت پنجاب نے 25 اکتوبر توں صوبہ بھر وچ ویکسی نیشن دی سب توں وڈی مہم ریڈ (RED) دا آغاز کیتا اے۔ ریڈ (RED)ویکسی نیشن مہم پنجاب دے سارے ضلعیاں وچ شروع کیتی جا رہی اے۔ڈسٹرکٹ ہیلتھ اتھارٹیز نوں ضلعی انتظامیہ دے نال مل کے ریڈ (RED) ویکسی نیشن مہم نوں کامیاب بنان لئی اہم کردار ادا کرنا ہوئے گا۔ ریڈ (RED) ویکسی نیشن مہم نوں کامیاب بنان لئی صوبہ بھر وچ مزید 14 ہزار نویں ویکسی نیشن سنٹرز قائم کیتے جان گے جس اُتے سیکرٹری پرائمری ہیلتھ عمران سکندر بلوچ تے سیکرٹری سپیشلائزڈ ہیلتھ ڈاکٹر احمد جاوید قاضی اپنا اپنا پراجیکٹ مکمل کر چکے نیں تےتیزی نال ویکسی نیشن سینٹر قائم کیتے جا رہے نیں۔ مہم دے دوران 12ہزار توں ودھ ٹیماں ہر محلے تے پنڈاں وچ جا کے ویکسی نیشن دا اہتمام کرن گیاں۔ منتخب نمائندگان تے سماج کارکنان گھر گھر جا کے ویکسی نیشن مہم نوں کامیاب بنان گے۔ ریڈ(RED)ویکسی نیشن مہم نوں ساری انتظامیہ کامیاب بنائے گی۔ کرونا وائرس ہن تیکر پنجاب وچ 12 ہزار 8 سو توں ودھ قیمتی جاناں نگل چکیا اے۔ گھٹ ویکسی نیشن والے ضلعیاں نوں ریڈ (RED) مہم دے دوران کارکردگی بہتر کرن دا نادر موقع ملے گا۔ودھ توں ودھ لوکاں نوں ویکسینیٹ کرن دے بعد اسیں ترقی ول ودھ سکاں گے۔ سیکرٹری اطلاعات و ثقافت راجہ جہانگیر انور دی ہدایت اُتے ڈائریکٹوریٹ جنرل پبلک ریلیشنز لاہور وچ قائم خصوصی مانیٹرنگ سیل کرونا وائرس پاروں دنیا بھر وچ آن والی تبدیلیاں تے واقعات دی ہر لمحہ مانیٹرنگ کر رہیا اے۔پنجاب دی متحرک وزیر صحت یاسمین راشد جیہڑی بہادری دی علامت نیں مہلک مرض وچ مبتلا ہون دے باوجود ہر فورم اُتے متحرک نظر آندی اے تے سپیشل اسسٹنٹ ٹو سی ایم حسان خاور برائے اطلاعات میڈیا توں روانہ دی بنیاد اُتے آپ رابطہ کر کے ایہناں نوں اپ ڈیٹ حقائق توں آگاہی دیندی رہیاں حسان خاور ماضی وچ آن والے معاون خصوصی برائے اطلاعات دی طرح اپوزیشن دے خلاف غیر اخلاقی گل بات بلاوجہ دی تنقید دی بجائے فارن کوالیفکیشن دا بھرپور فائدہ چکدے ہوئے پی ٹی آئی حکومت ولوں کیتے گئے مثبت پروجیکٹس اقدامات ہر فورم اُتے بیان کر رہے نیں۔
حسان خاور واشنگٹن توں کوالیفائیڈ نیں تے پی ٹی آئی حکومت ولوں عوامی فلاح دے منصوبیاں نوں کمال مہارت نال اجاگر کر رہے نیں۔ وزیراعلیٰ پنجاب سردار عثمان تے محکمہ صحت دا عملہ لائق تحسین اے جس نے ایس وبا دے کنٹرول وچ اپنی ساری اکوشاں بروئے کار لیائیاں نیں۔ساڈے گوانڈھی ملک بھارت وچ وی کرونا دی دوجی لہر نے وڈے پیمانے اُتے تباہی پھیلائی جتھے اک دن وچ ساڑھے تن لکھ توں ودھ لوک ایس وبا دا شکار ہوئے۔
